भक्तपुरपोस्ट संवाददाता धादिङ, २८ बैशाख २०८०
धादिङ, २८ बैशाख २०८०धादिङको गल्छीमा खाजा खान आएका ग्राहकको ज्यान लिइएको छ । गल्छी गाउँपालिका–८ गल्छी निबुवा बोटेमा सञ्चालित एक होटलका संचालकले खाजा खान आएका ग्राहकको छुरा प्रहार गरी हत्या गरेका हुन् ।
गल्छी गाउँपालिका-८ कटरपौवा बस्ने २८ वर्षीय बिनोद थापा मगरको हत्या गरेको अभियोगमा सोही गाउँपालिका-८ बस्ने होटल संचालक २६ वर्षीय निरज पण्डितलाई प्रहरीले पक्राउ गरेको छ ।
खाजा खाएपछि पैसा तिर्नेबेला भनाभन भएपछि होटल संचालकले छुरा प्रहार गरी सख्त घाइते बनाएका थापा मगरको उपचारको क्रममा काठमाडौंमा ज्यान गएको बताइएको छ ।यस सम्बन्धमा थप अनुसन्धान गरिरहेको प्रहरीले जनाएको छ ।