भक्तपुर, ३० जेठ २०८०मधेस प्रदेशका मुख्यमन्त्री सरोजकुमार यादवले सबै सांसदको विश्वासको मत प्राप्त गर्न सफल भएका छन् । मंगलवार सतप्रतिसत मत प्राप्त गर्न उनी सफल भएका हुन् ।
नेकपा एमालेले जेठ १ मा समर्थन फिर्ता लिएपछि उनले मंलवार दोस्रोपटक विश्वासका मत लिएका हुन् ।
उनलाई प्रमुख प्रतिपक्षी दल नेकपा एमालेसहित सदनका सबै दल र स्वतन्त्र सांसदले विश्वासको मत दिएका हुन् ।
सदनमा १०३ सांसद उपस्थित थिए र सबैले विश्वासको मतको पक्षमा मतदान गरे ।
यसअघि पहिलोपटक मुख्यमन्त्री यादवले गत माघ ४ गते पनि शतप्रतिशत मत प्राप गर्दै मुख्य मन्त्री बनेका थिए ।
प्रदेश सभामा एमालेका २३, कांग्रेस २२, जसपा १८, जनमत १३, लोकतान्त्रिक समाजवादी पार्टी लोसपा र माओवादी केन्द्रका ९–९, एकीकृत समाजवादीका ७ सांसद छन् भने नेपाल संघीय समाजवादी पार्टी, राष्ट्रिय प्रजातन्त्र पार्टी र नागरिक उन्मुक्ति पार्टीका १–१ जना सांसद छन् । यस्तै, ३ जना स्वतन्त्र सांसद रहेका छन् ।