भक्तपुर पोष्ट संवाददाता भक्तपुर, २८ असार २०८१
भक्तपुर, २८ असार २०८१प्रधानमन्त्री पुष्पकमल दाहाल प्रचण्डले संसदको विश्वास गुमाएका छन् । प्रतिनिधि सभामा बहुमत सदस्यले उनलाई बिश्वासको मत दिएनन् ।
शुक्रबार प्रधानमन्त्री प्रचण्डले प्रतिनिधि सभाको बैठकमा पेश गरेको विश्वासको मतको प्रस्तावको पक्षमा केवल ६३ मत मात्र परेपछि उनले संसदको विश्वास गुमाएका हुन् ।
विश्वासको मतसम्बन्धि प्रस्तावको विपक्षमा १९४ मत परेको सभामुखले जानकारी गराएका छन् । त्यस्तै मत दिन्न भन्ने पक्षमा एक सांसदले मत दिएका बताइएको छ ।
आजको मतदान प्रक्रियामा २ सय ५८ सांसदले भाग लिएका थिए ।
प्रधानमन्त्रीले संसदबाट विश्वासको मत गुमाएसँगै सरकार पनि ढलेको छ । अब संघीय संसद सचिवालयले सरकारले विश्वासको मत गुमाएको जानकारी राष्ट्रपति रामचन्द्र पौडेललाई गराएसँगै राष्ट्रपतिले नयाँ सरकार गठनको आव्हान गर्ने छन् ।