सूर्यविनायक, २२ भदौ २०८१नेपाली कांग्रेसका युवा नेता रवि राणाले धिमेवाजा खल: समितिलाई आर्थिक सहयोग गरेका छन् । सूर्यविनायक-७ गुण्डुमा रहेको तिथली नगरकोटी धिमेवाजा खल: समितला उनले आर्थिक सहयोग गरेका हुन् ।
शनिबार एक समारोह बीच उनले समितिका संयोजक विनय नगरकोटीलाई आर्थिक सहयोग रकम हस्तान्तरण गरेका थिए । उनले आफ्नो ब्यक्तिगत तर्फबाट रकम उपलब्ध गराएको प्रष्ट पार्दै धिमे बाजा खल:को दीक्षान्तका लागि आवश्यक खर्च आफूले ब्यहोर्ने बताएका छन् ।
सो अवसरमा नेता राणाले कला र संस्कृती नगरको पहिचान भएको भन्दै यसको संरक्षणमा आफू र आफ्नो पार्टी पूर्ण प्रतिवद्ध रहेको बताए । तिथली नगरकोटी धिमेवाजा खल: ले नयाँ पुस्तालाई धिमे बाजा बजाउन सिकाएकोप्रति सन्तोष ब्यक्त गर्दै यसले परम्परा पुस्तान्तरणमा सहयोग पुर्याउने उनले बिश्वास ब्यक्त गरेका छन् ।
सस्कृती र परम्परा जोगाउन लागिपरेका युवा पुस्तालाई सबैले प्रोत्साहित गर्नुपर्ने प्रष्ट पार्दै यसलाई भेदभाव र पुर्वाग्रह नराख्न उनले स्थानीय सरकारको ध्यानाकर्षण समेत गराए ।
धिमे बाजा समूहलाई दीक्षित गर्ने प्रयोजनका लागि खर्च चाहिने र त्यो खर्च माग्दा स्थानीय वडा र पालिकाले सुनुवाइ नगरेको धिमेवाजा समितिका संयोजक बिनय नगरकोटीले बताए । वडा र नगरपालिकामा सहयोग माग्दा सहगोग नदिएको र दिक्षितलाई दिक्षान्त समारोह गर्न समेत नसक्ने अवस्थामा सहयोग गरेर आफुहरूको हौसला बढाएको भम्दै उनले नेता राणाप्रति आभार प्रकट गरे ।
समाजको लागि सहयोग गर्न धेरै धन होइन, ठुलो मन चाहिने भन्दै वरिष्ठ पत्रकार रमेश खड्काले रवि राणा जस्ता युवाहरु विकासका सम्बाहक भएका बताए । सो अवसरमा नेपाली कांग्रेसका स्थानीय नेताहरुको पनि उपस्थिति रहेको थियो ।
तिथली नगरकोटी धिमेवाजा खल:ले शनिवार दीक्षान्त कार्यक्रम आयोजना गरेको छ । सो अवसरमा १२ जनालाई दिक्षीत गरिने आयोजकले जनाएको छ । सो कार्यक्रमका लागि रु ५० हजार हाराहारी खर्च हुने अनुमान गरिएको छ ।
