भक्तपुर पोष्ट संवाददाता भक्तपुर, २० मंसिर २०८१
भक्तपुर, २० मंसिर २०८१गृहमन्त्रीका नक्कली ‘पीए’ प्रहरी फन्दामा परेका छन् । गृहमन्त्री रमेश लेखकको ‘प्रमुख स्वकीयसचिव(पीए) हुँ’ भन्दै ठगी गरेको आरोपमा एक युवक पक्राउ परेका हुन् ।
प्रहरी प्रशासनमै नक्कली पिए बनेर प्रस्तुत हुने उनी बैतडीको भुमेश्वर गाउँपालिका–७ का २६ बर्षीय करनसिंह विष्ट भएका प्रहरीको भनाइ छ । गृहमन्त्रीको सचिवालयले समेत उनको खोजी गरेपछि प्रहरी चनाखो भएको थियो ।
विष्टलाई काठमाण्डौबाट पक्राउ गरिएको उपत्यका अपराध अनुसन्धान कार्यालयका प्रमुख बरिष्ठ प्रहरी उपरीक्षक सानुराम भट्टराई पुष्टि गरेका छन् । नक्कली ‘पीए’ बनेर ठगी गर्दै हिडेका विष्टलाई पक्राउ गरी अनुसन्धान शुरु गरिएको उनले बताए ।