बागमती सभ्यता एकीकृत विकास समितिको पूर्व कार्यकारी समिति सदस्य समेत रहेका वातावरणविद मौसम खनाललाई पितृशोक परेको छ । उनका पिता इलामको देउमाई नगरपालिका-६ का ६२ वर्षीय कृष्णप्रसाद खनालको असामयिक निधन भएको हो ।

भक्तपुरबाट बिराटनगर जाँदै गर्दा गत मंगलवार कृष्णप्रसाद कार दुर्घटनामा परेका थिए । दुर्घटनामा गम्भीर घाइते उनको उपचारकै क्रममा बिराटनगरस्थित नोबेल अस्पतालमा सोमबार निधन भएको पारिवारिक श्रोतले जनाएको छ । सो दुर्घटनामा परेका उच्च अदालत पाटनका न्यायाधीश नारायणप्रसाद रेग्मीसहित ४ को अवस्था उपचारपछि सामान्य छ ।

निजामती सेवाबाट निबृत्त कृष्णप्रसाद समाजसेवी थिए । उनको असामयिक निधनले देउमाई नगर शोकमा डुबेको छ । सोमबार उनको पार्थिव शरीरलाई देउमाई ल्याई अन्तिम संस्कार गरिएको छ ।

उनका श्रीमती १ छोरा र २ छोरी छन् । वातावरण विद मौसम जेठा छोरा हुन् भने वर्षा र झरना उनका दुई छोरी छन् ।