इभक्तपुर संवाददाताभक्तपुर, २ माघ
भक्तपुर, २ माघ नेपालका कम्युनिष्ट पार्टीहरुको भीडमा फेरी अर्को कम्युनिष्ट पार्टी थपिएको छ । अहिलेका कम्युनिष्ट पार्टीले जनविद्रोह गर्न नसक्ने निष्कर्ष निकाल्दै नेकपा (जनविद्रोह ) नामक नयाँ पार्टीको जन्म भएको हो ।
वामपन्थी नेता निर्मल लामाको जन्मजयन्तीका अवसरमा पारेर उक्त पार्टी गठन भएको औपचारिक घोषणा गरिएको छ । पार्टीमा महासचिवमा निमा फिन्जो लामाको नेतृत्वमा २१ केन्द्रीय सदस्य रहेका छन् ।
पार्टी घोषणा कार्यक्रममा निर्मल लामाकी श्रीमती सुकन्या वाइवाको पनि उपस्थिति रहेको थियो ।
नेकपा ( जनविद्रोह ) ले जनतामाथि भएका अन्याय र भ्रष्टाचारविरुद्ध लड्ने र निर्मल लामाले देखेको सपना साकार पार्ने उदेश्य राखेको बताइएको छ ।