नेपाली काँग्रेसका नेताहरुले आफैले आफ्नो जुत्तामा पालिस लगाए भन्दा पनि अनौठो मानुपर्ने बेलामा अर्काको जुत्तामा पालिस लगाए भन्दा बिस्वास नलाग्न सक्छ तर यो कुरा साचो हो ।

कृष्णप्रसाद भट्टराई स्मृति प्रतिष्ठानले शहीद दिवसको अवसर पारेर आज नयाँ बानेश्वरमा आयोजना गरेको एक कार्यक्रममा नेताहरुले बटुवाको जुत्तामा पालिस लगाउदै शहिद दिवसको अवसर पारेर ‘राजनीतिक शुद्धीकरण’ अभियानको आरम्भ गरेका हुन् ।

सो कार्यक्रममा काँग्रेसका केन्द्रीय सदस्य चन्द्र भण्डारी, धनराज गुरुङ, विनोद भट्टराईलगायतले बाटो हिँड्ने (बटुवा)को जुत्तामा पालिस लगाएका थिए ।
सन्त नेता कृष्ण प्रसाद भट्टराईले एक गरिब बाल कांग्रेसलाई , ‘स्कूल जाने पैसा नभए दिनको एक घन्टा शहरको चोकमा बसेर जुत्ता पालिस गर ’ भन्ने सुझाव दिएको स्मरणमा नेताहरुले यो अभियान चलाएको बताएका छन ।
काँग्रेस नेता चन्द्र भण्डारीले विभिन्न देशमा चिया बेच्ने व्यक्ति प्रधानमन्त्री भएको वर्तमान अवस्थामा नेपालमा श्रमको सम्मान नभएको भन्दै कृष्णप्रसाद भट्टराईको त्याग र आदर्शलाई पछ्याउन उक्त अभियान थालिएको दावी गरे ।
उक्त अवसरमा जुत्ता पालिसबाट नेताहरुले कमाइ गरेका रु ३० हजार कृष्णप्रसाद भट्टराई स्मृति प्रतिष्ठानको कोषमा जम्मासमेत गरिएको जानकारी प्राप्त भएको छ ।