इभक्तपुर संवाददाताभक्तपुर, १७ माघ
भक्तपुर, १७ माघ काभ्रेको बनेपा नगरपालिका –४ उग्रचण्डीनालास्थित करुणामाई मन्दिरमा चोरी भएको छ । मन्दिरमा रहेका मूल्यवान् चाँदीका गरगहनाहरु चोरी भएको हो ।
आइतवार राति चाँदीका पाउजु, सिक्री, ताज मुकुट चोरी भएको इलाका प्रहरी कार्यालय, बनेपाका प्रहरी निरीक्षक सुनिलजङ शाहले जानकारी दिए । उनका अनुसार मन्दिरबाट रु दुई लाख बराबरको गरगहना चोरी भएको अनुमान छ ।
स्थानीयवासीका अनुसार नेवारी समुदायको तान्त्रिक देउता आन्नदेव पनि चोरी भएको छ ।
करुणामाईको मन्दिरमा भक्तजनले चाँदीका गहना चढाउँने गर्दछन् ।