इभक्तपुर संवाददाताअछाम, १७ माघ
अछाम, १७ माघअखिल (क्रान्तिकारी), अनेरास्ववियू र नेविसंघले सुदुर पश्चिममा जरा गाडेर बसेको छाउपडी प्रथा उन्मुलनको लागी संयुक्त अभियान चलाउने उद्घोष गरेका छन् । आज अछामको मंगलसेनमा सरोकारवाला, स्थानीय जनप्रतिनिधी, राजनितिक दलका नेता एवं युवा बिध्यार्थी लगायतको सहभागितामा अन्तरक्रिया गरेर तीन अगुवा विद्यार्थी संगठन छाउपडी बिरुद्ध एक ठाँउ उभिएका हुन् ।
मंगलसेनमा अनेरास्ववियू अध्यक्ष नविना लामा, अखिल (क्रान्तिकारी)का उपाध्यक्ष विजय गौतम, नेविसंघका उपाध्यक्ष पुष्प कुमार शाहीले छाउपडी प्रथा उन्मुलनको लागी संयुक्त विध्यार्थीको अभियान सुरुवात भएको घोषणा गरेका हुन् । कार्यक्रममा बोल्दै अखिलका अध्यक्ष नविना लामाले २१ औं शताब्दीमा पनि कुरितीले जरा गाड्नु दुखद रहेको बताउदै भनिन्,”हाम्रो आमा, दिदिबहिनी, छोरीलाई मृत्यूको मुखमा पुर्याउने कुसंस्कार अन्त्यको लागी ढीलो नगरि अब सबै सामूहिक रुपमा लाग्नुपर्छ ।”
त्यसैगरी अखिल (क्रान्तिकारी)का उपाध्यक्ष विजय गौतमले छाउपडी प्रथा उन्मुलनको पक्षमा नलाग्ने युवा विध्यार्थी संगठनको नेता मात्रै होईन साघारण सदस्य हुन पनि नसक्ने र त्यस्तो भेटिएमा कार्वाही समेत गरिने वताउँदै गॉउ-गॉउमा, स्कुल-स्कुलमा संयुक्त अभियान चलाउन निर्देशन समेत दिएका थिए भने नेविसंघका उपाध्यक्ष पुष्पकुमार शाहीले विध्यार्थी आन्दोलन दबाब र जागरणको आन्दोलन भएकोले सबैखाले कुरुतिको विरुद्द विध्यार्थी संगठन संयुक्त रुपमा लड्ने वताए।
कार्यक्रममा अछाम २ बाट निर्वाचित माननीय यज्ञराज बोगटी लगायत जिल्लाका पार्टी नेताहरुका साथै स्थानिय जनप्रतिनिधीहरुले विद्यार्थीको संयुक्त अभियानको स्वागत गर्दै साथ दिने प्रतिबद्दता जाहेर गरेका थिए ।
उक्त अवसरमा अखिल (क्रान्तिकारी)का केन्द्रीय सचिव रोशन भूल, अनेरास्ववियूका सचिवालय सदस्य एलवि सिं, मर्यादा विष्ट लगायतको सहभागिता रहेको थियो ।