आइतवार बिहान प्रदेश नम्बर २ को पहिलो बैठक बस्यो । प्रदेशसभा लाई कस्ले सम्बोधन गर्ने भन्ने बिषयले बिबाद भएपछी नेकपा एमालेबाट भने २ जना नेताहरुले आधा आधा समय बाडेर बोलेको खबर प्राप्त भएको छ ।

स्थायी समिति सदस्य सत्यनारायण मण्डल र पोलिट्ब्यूरो सदस्य शत्रुघन महतो दुबैले पार्टी प्रतिनिधिको हैसियतमा सम्बोधन गर्न रुची देखाएपछि १० मिनेटको समयलाई बाडेर दुवै नेतालाई ५ -५ मिनेट दिइएको थियो ।

पार्टी भित्रको गुटबन्दीको असर प्रदेश सभामा देखिएको एक नेताले जानकारी गराए । मण्डल अध्यक्ष केपी ओली प्यानलका हुन् भने महतो बरिष्ठ नेता माधव नेपाल खेमाका मानिन्छन ।

दुवै नेताले संसदीय दलको नेता बन्ने दावी गरेकाले पनि आजको सम्बोधनलाई उनीहरुले छोड्न नचाहेको श्रोतले बतायो ।