सर्लाहीको  हरिपुर नगरपालिकाको प्रथम नगर सभा सोमवार सम्पन्न भएको छ । मेयर जमरुद्धिन मन्सुरको अध्यक्षता तथा सर्लाही क्षेत्र नम्बर १ का प्रतिनिधी सभा सदस्य प्रमोद साहको प्रमुख आतिथ्यतामा नगरसभा सम्पन्न भएको हो ।

सभा मार्फत मेयर जमरुद्धिन मन्सुरले ३४ करोड ७० लाख ६८ हजार बरावरको निती तथा कार्यक्रम र वजेट प्रस्तुत गरेका छन् । कृषि, शिक्षा, स्वास्थ्य, पूर्वाधार निर्माणलाई प्राथमिकतामा राखि बजेट प्रस्तुत भएको छ ।

मेयर मन्सुरले स्थानीय तहको निर्वाचनको समयमा गरेको बाचा र प्रतिवद्धतालाई समेटेर बजेट ल्याइएकोले अव जनताले विकास र समृद्धि भनेको कस्तो हुँदो रहेछ भनेर देख्न पाउने बताए । कार्यक्रममा पूर्व साँसद रामचन्द्र चौधरी, रञ्जना सरकारसहित जिल्लाका विशिष्ट व्यक्ति, सुरक्षाकर्मी, विभिन्न संघसंस्थाका प्रतिनिधी, पत्रकार लगायतको उपस्थिति रहेको थियो ।