बाम एकताका सुत्रधार नेकपा (माओवादी केन्द्र)का अध्यक्ष पुष्पकमल दाहाल प्रचण्डले नेकपा एमालेले जनयुद्ध स्वीकार गरेको खुलासा गरेका छन । जनयुद्ध दिवसको अवसरमा वाइसीएलले पार्टी मुख्यालय पेरिसडाँडामा आयोजना गरेको कार्यक्रममा बोल्दै अध्यक्ष प्रचण्डले जनयुद्धको सम्मान गरेको खुलासा गरेका हुन् ।

”एमालेका अध्यक्ष ओलीजीले राजनीतिक परिवर्तन र सामाजिक जागरणमा जनयुद्धको ऐतिहासिक भुमिका थियो भन्ने कुरा स्विकार गरेका छन् ।” उनले भने ।

कार्यक्रममा बोल्दै प्रचण्डले प्राविधिक कुरा मिले आजै जनयुद्ध दिवसकै दिन पार्टी एकताको घोषणा गरौ समेत भनेर एमाले अध्यक्ष ओलीले प्रस्ताव गरेको समेत सुनाएका छन ।

‘सकेसम्म आज नै, जनयुद्ध दिवसकै दिन पार्टी एकता टुृंगोमा पुगोस् भन्ने ओलीजीको पनि चाहना छ ।’ अध्यक्ष प्रचण्डले भने ।

आफूहरु क्रान्तिकै बाटोमा रहेको दावी गरेका प्रचण्डले एमालेस्ँगको पार्टी एकता पछि क्रान्तिले नया उचाइ प्राप्त गर्ने दावी गरे ।