रामेछाप दुरागाउँ घर भएका उप प्राध्यापक तारा थापाको दुखद निधन भएको छ । बुधवार राती हृदयघातका कारण उनको दुखद निधन भएको हो ।

त्रिविको गेष्ट हाउस किर्तीपुरमा रहँदै आएका थापालाई  बुधवार राती हृदयघात भएपछि बल्खुस्थित् बयोधा अस्पताल पुर्याएपनि डाक्टरहरुले बचाउन सकेनन् । अहिले बयोधामा उनका आफन्त, साथीभाई र शुभचिन्तकहरु जम्मा भएका छन ।

ठाकुरराम बहुमुखी क्याम्पस विरगञ्जमा उप प्राध्यापक रहि लामो समय अध्यापन गराउँदै आएका थापा केहि समय अघि मात्र काठमाडाैं सरुवा भएका थिए ।

युवा अवस्थामै अस्ताएपछि तारा सरको पीएचडी गर्ने धोको समेत पूरा हुन पाएन । पीएचडी गर्नैका लागि उनी बिरगंजबाट सरुवा भएर आएका उनका साथी रमेश रसिक पौडेलले बताएका छन् । ३७ बर्षे शिक्षा शाष्त्रका उप प्राध्यापक थापा अविवाहित थिए ।