भक्तपुर, ४ फागुनएकतामा हतारिएको माओबादी केन्द्र र सरकार बनाउन हतारिएको एमालेमा एमालेले जितेको छ । सरकार गठन अगाडी नै पार्टी एकताको रटान लगाउदै आएको माओबादी केन्द्रलाई एक्लै पारेर एमाले अध्यक्ष केपी ओली आफ्ना २ मन्त्रीसहित बिहीवार राष्ट्रको ४१ औ प्रधानमन्त्री बनिसकेका छन् ।
अब के हुन्छ एकता ? इभक्तपुरको प्रश्नमा माओबादी केन्द्रका एक नेता भन्छन् ” खेल्ने कि फाल्ने आज फाइनल हुन्छ ।”
यी दुई पार्टीबीच हेर्दा कुरा मिलेको जस्तो देखिएपनि ठुलै खाडल रहेको पाइएको छ । पदीय भागबण्डा मात्र नमिलेको जस्तो प्रचारमा आएपनि वास्तवमा बैचारिक र सैद्धान्तिक बहसमै हलो अड्केको ती नेताले खुलासा गरेका छन् ।
फागुन १ गते नै एकता घोषणा गर्ने बताएका माओबादी नेताहरु यतिबेला निरास बनेका देखिन्छन । माओबादी केन्द्रलाई छोडेर सरकारमा हाम् फाल्नुले पक्कै राम्रो संदेश दिएको छैन । माओबादी केन्द्रले एकतामा कुरा नमिले सरकारमा नजाने बरु समर्थन मात्र गर्ने मनस्थिति बनाएको छ । यदी यसो भयो भने निर्वाचनताका बाम गठबन्धनले गरेको स्थिर सरकारका बाचाले पनि हावा खाने देखिन्छ ।
आज हुने भनिएको एकता बार्ता निर्णायक हुने दावी गरिएपनि सकारात्मक वा नकारात्मक दुवै परिणाम आउनसक्ने इभक्तपुरलाई जानकारी गराइएको छ । ‘एक हातले ताली बज्दैन’ अहिले यत्ति बुझ्नुस्’। माओबादी केन्द्रका तर्फबाट एकता संयोजन समितिमा सहभागी एक नेताले भने ।