सर्लाहीस्थित बागमती सिचाई आयोजनाको नहरमा डुबेर एक जनाको ज्यान गएको छ । ज्यान गुमाउनेमा दोलखा जिल्ला मेलुङ्ग घर भएका ५५ बर्षिय दल बहादुर थापा रहेका छन ।
बागमती नगरपालिका ८ राजघाटमा बिगत केहि महिना देखि ज्याला मजदुरी गर्दै आएका थापा ३ दिन अघि देखी हराई रहेका थिए । बिहीवार साझ पख बागमती सिचाई आयोजनाको मुल नहरको पानी मा तैरिरहेको शव देखेपछि स्थानीयले प्रहरीलाई खबर गरेका थिए । प्रहरीले शव थापाको भएको पुष्टि गरेको हो ।
थापाले अत्याधिक मदिरा सेवन गरेका कारण चिप्लिएर नहरमा डुब्दा ज्यान गएको हुनसक्ने इलाका प्रहरी कार्यालय बरहथवाका प्रहरी निरीक्षक ललन कुमार कुर्मीले प्रहरीको प्रारम्भिक अनुमान भएको बताएका छन ।
सबको पोस्टमार्टम को लागी गए साझ नै जिल्ला अस्पताल मलङ्वा पठाई सकेको र अहिले आफन्त लाई बुझाउने तयारी भएको प्रहरीले जनाएको छ । घटना बारे थप अनुसन्धान भैरहेको प्रहरीको भनाइ छ ।