हरि दाहालसिन्धुली, ४ फागुन
सिन्धुली, ४ फागुनबीपी राजमार्गमा जीप दुर्घटना हुँदा ४ जनाको मृत्यु भएको छ । मृतक सबै एकै गाउँका रहेका छन् । मृतक सबै जना गोलन्जोर गाउँपालिका -५ का भएको प्रहरीले पुष्टि गरेको छ ।
सेल्फीडाँडा भनेर पनि चर्चित कमलामाई नगरपालिका २ मा बा ११ च २२७१ नम्बरको जीप सडकबाट करीब ५० मिटर तल खस्दा दुर्घटना भएको हो । जीप सिन्धुलीबजारबाट गोलन्जोरतर्फ जादै गरेको थियो ।
मृत्यु हुनेमा गोलन्जोरका लक्ष्मी देवकोटा, युवराज लुंगेली, नवराज थापा र रेशम कार्की रहेका छन् । दुर्घटनामा गम्भीर घाइते भएकाहरुलाई काठमाडौ पठाइएको प्रहरीले बताएको छ ।