सर्लाही, ७ फागुनसर्लाहीका एक सांसदको घरमा गए राती चोरी भएको छ । सर्लाही क्षेत्र नम्बर ३ अन्तर्गत सर्लाही हरिवन ३ धारटोल निवासी संघीय समाजबादी फोरम नेपालबाट प्रदेश सभा सदस्य बनेकी सन्चमाया मोक्तानको घरबाट मोटर साईकल चोरी भएको हो ।
गएराती घर मै राखी राखेको अबस्था ज२प २४३९ को १५०सिसि को कालो पल्सर मोटरसाईकल चोरी भएको फोरमका केन्द्रीय सदस्य समेत रहेका मोक्तानका श्रीमान् बमबहादुर मोक्तानले बताए ।
चोरी भए लगत्तै मोक्तानले चोरीको बारेमा प्रहरीलाई जानकारी गराएका छन् । मोटरसाईकल चोरको बिगबिगी बढेको तर प्रहरीले चोरी गर्ने गिरोहलाई पक्राउ गरि नागरिक लाई शान्ति सुरक्षाको प्रत्याभुती दिलाउन नसक्नु लजास्पद भएको मोक्तानको ठहर छ ।
केहि दिन यता सर्लाहीको हरिवन, लालबन्दी, बरहथबा , मलङ्वालगायतका क्षेत्रमा मोटरसाईकल चोरको बिगबिगी हुदा समेत एउटा पनि चोरीका मोटर साईकल र चोरी गर्ने गिरोहलाई पक्राउ गर्न नसक्नु प्रहरीको नालायकीपन भएको भन्दै नागरिक समाजका अगुवाहरुले प्रहरीको क्षमतामाथि प्रश्न उठाएका छन् । बढ्दो चोरी नियन्त्रण हुन नसकेपछि प्रहरी नै चोर संग मिलेको त छैन भन्ने स्थानीयले आशंका व्यक्त गरेका छन् ।
उता जिल्ला प्रहरी कार्यालयका प्रहरी उपरीक्षक मसाउद आलम खाँले जिल्लाका भीडभाड हुने र शंकास्पद क्षेत्रमा प्रहरी गस्ती बढाईएको र केह शंकास्पद युवाहरुलाई नियन्त्रणमा लिएर अनुसन्धान गरिरहेको जिकिर गरेका छन् ।
तपाई हाम्रो फेसबुक पेज लाइक गरेर सिधै सामाजिक संजालमा जोडिन सक्नुहुनेछ ।