बिद्रोही शक्तिको पहिचान बनाइरहेको बिप्लव नेतृत्वको नेकपा बाम सरकारदेखि आक्रोसित भएको छ । केपी ओलीले सत्ता सम्हाले संगै आफ्ना राजनीतिक हस्तीहरु संगै सयौ कार्यकर्ताहरुलाई प्रहरीले पक्रेपछि नेकपा रिसाएको हो ।

युवाहरुको सम्मेलनमा गएका स्थायी समिति सदस्य हेमन्त प्रकाश ओली सुदर्सन सहित पूर्व मंत्री समेत रहेका पोलिटब्युरो सदस्य पदम राइ र सयौ नेतालाई बिराटनगर प्रहरीले पक्रेपछि नेकपा आन्दोलित भएको छ । उनीहरुको रिहाइको माग गर्दै नेकपाले आज नेपाल बन्दको आह्वान समेत गर्यो ।

नेकपाले आफ्ना नेता तथा कार्यकर्ताको गिरफ्तारीलाई राज्य आतंक र ओली सरकारको दमन भनेको छ र यसको विरुद्ध आयोजित आजको नेपाल बन्द सफल भएको दावी गरेको छ ।

नेकपाले स्थायी समिति सदस्य कमरेड सुदर्शन, पीबीएम कमरेड पदम राई लगायत बन्दका क्रममा गिरफ्तार परेका सबैलाई यथाशिघ्र मुक्त नगरे कडा प्रतिरोध गरिने प्रष्ट पारेको छ ।
फागुन ११ गते प्रधानमन्त्री केपी ओलीको पुत्ला जलाउने र फागुन १२ गते प्रदर्शन तथा फागुन १३ गते देशव्यापी ठूलो कार्यक्रम गर्ने नेकपाका नहासचिव विप्लवले प्रेस वक्तव्यमार्फत सार्वजनिक गरेका छन् ।