सर्लाही, १० फागुनसर्लाहीको लालबन्दी नगरपालिका-१ नवलपुरस्थित सर्पदंश उपचार केन्द्रको अध्यक्षमा जुटपानी निवासी बोधराज काफ्ले चयन भएका छ्न । केन्द्रको दोस्रो साधरण सभाबाट निर्बाचित ब्यबस्थापन समितिका १५ सदस्यको आज बसेको पहिलो बैठकले काफ्लेलाई सर्बसम्मत अध्यक्ष चुनेको हो ।
एक नम्बर वडाका वडा अध्यक्ष एवम संयोजक पन्चलाल स्याङ्ग्बोको अध्यक्षतामा बसेको कार्य समितिको पहिलो बैठकबाट काफ्लेको अध्यक्षता मा ३ बर्षे कार्यकालको लागी १५ सदस्यीय ब्यबस्थापन समिति गठन गरिएको केन्द्रका कार्यालय सचिब रामजी बस्नेत ले बताए ।
पहिलो बैठकबाट चयन भएका अन्य पदाधिकारीमा उपाध्यक्षमा आशा कुमारी महतो ,सचिबमा सुब्बा खत्री ,कोशाध्यक्ष मा अजय श्रेष्ठ सह सचिवमा शेखर पासवान र अन्य सदस्यहरुमा हरेराम बस्नेत ,गुरुनेन्द्र यादब ,रेणु नेउपाने ,हेम बहादुर पौडेल ,शान्ता थापा ,कबिता खड्का ,रामजी प्रसाद पोख्रेल ,देवानन्द पासवान र उद्धव पौडेल चयन भएका केन्द्र ले जनाएको छ ।
यसै बीच नव निर्बाचित अध्यक्ष काफ्लेले केन्द्रको स्तरोन्नतिका लागि सम्वन्धित निकायसंग समन्वय गरि दक्ष डाक्टर का साथै भेण्टिलेटर र अक्सिजनको ब्यबस्था गर्नुको साथै एम्बुलेन्स लगायतको ब्यबस्था गर्ने आफ्नो पहिलो दायित्व भएको बताएका छ्न ।
यसको लागी आफ्नो एक्लो प्रयासबाट मात्र सम्भव नहुने हुदा सबैको साथ र सहयोगको खाचो रहेको समेत उनले बताए ।
२०६७ श्रावणमा शिबपुराण महायज्ञ लगाई संकलित झन्डै ६७ लाख को लागतमा भवन निर्माण गरि २०७०भाद्र बाट सेवा शुरु गरेको केन्द्ले चार बर्ष को अबधी मा झण्डै ३ हजार सर्पले टोकेका बिरामीको सफल उपचार गरेको र उक्त अबधीमा हर प्रयास गर्दा गर्दै पनि तिन जनाको ज्यान बचाउन नसकेको समेत केन्द्र के जनाएको छ ।
दक्ष डाक्टरका साथै भेण्टिलेटर र अक्सिजनको ब्यबस्था नहुदा नव निर्बाचित अध्यक्ष काफ्लेका आफ्नै भतीजालाइ पनि यस उपचार केन्द्रले बचाउन सकेन ।