पूर्वमन्त्री समेत रहेका नेपाल कम्युनिस्ट पार्टीका प्रभावशाली नेता खड्ग बहादुर बिश्वकर्मा प्रकाण्डलाई मातृशोक परेको छ । नेकपाका स्थायी समिति सदस्य तथा प्रवक्ता प्रकाण्डको आमाको बिहीवार निधन भएको हो ।

नेता प्रकाण्डको ममतामयी आमा भरता विश्वकर्माको ७२ वर्षको उमेरमा बिहीबार निधन भएको पारिवारिक श्रोतले बताएको छ । कालिकाेटको मालकाेटस्थित घरमै उनको निधन भएकाे हाे । उनी लामोसमयदेखि दमको बिरामी थिइन् ।

मृतक भरता बिश्वकर्माले नेता प्रकाण्ड बाहेक सबै सन्तान जनयुद्धमा गुमाएकी थिइन् । उनका दुइ छोरा जनयुद्धको क्रममा शहिद भएका थिए भने एक्ली छोरीले पनि आन्दोलनकै क्रममा ज्यान गुमाएकी थिइन् । उनका जेठा छोरा प्रकाण्ड एकमात्र जीवित सन्तान हुन् ।

ममतामयी आमा गुमाएका आफ्ना स्थायी समिति सदस्य एवं प्रवक्ता प्रकाण्डलाई नेकपाले समबेदना प्रकट गरेको छ भने मृतक आमाप्रति भावपूर्ण श्रद्धान्जली प्रकट गरेको छ ।

पार्टी महासचिव बिप्लवले एक बिज्ञप्ती जारी गर्दै मृतक आमाप्रति हार्दिक श्रद्धान्जली अर्पण गर्दै नेता प्रकाण्डलगायत परिवारजनमा गहिरो समबेदना व्यक्त गरेका हुन् ।