भक्तपुर, १३ फागुन माओवादी नेता लोकेन्द्र विष्टमगर अभ्यासले माओवादी केन्द्र एमालेमा पोईल गएको बताएका छन् । पूर्वपर्यटनमन्त्री विष्टले जनयुद्धको कमाण्डर एमालेमा पोइल गएर माओवादी केन्द्रको अस्तित्व समाप्त पारेको जिकिर गरे ।
नेकपा माओवादी केन्द्र पार्टी अस्तित्वमा नरहेकोले कारवाही गर्नुको कुनै अर्थ नभएको उनले बताए । ‘पार्टीनै रहेन, हामीलाई के गर्यो खै, पार्टी नै समाप्त भएपछि कारवाही गर्नेको कुनै तुक छैन्’ विष्टले भने ।
गोपाल किराती र विश्वभक्त दुलाल र लोकेन्द्र विष्टमगरलाइ नेकपा माओबादी केन्द्रले कारवाही गरेर निष्कासन गरेपछि बिष्टले यो कुरा बताएका हुन् ।
एक संचारमाध्यमसँगको कुराकानीमा नेता विष्टले क्रान्तिकारी छवि भएको पार्टीमा अाफ्नो समर्थन र अावद्धता रहने बताउँदै अगाडि भने, ‘म अहिले नै कुनै पार्टीमा आवद्ध भएको छैन् । तर कान्तिकारी छबी भएका राजनीतिक दलमा मेरो आवद्धता र समर्थन हुनसक्छ ।’ विष्टले राष्ट्र र जनताको पक्षमा काम गर्ने पार्टीमा अाफू लाग्ने बताए ।