भक्तपुर, १४ फागुनकम्युनिष्ट राजनीतिका एक खम्बा मानिएका नेकपा एमाले महासचिव इश्वर पोखरेलले अर्थमा युवराज खतिवडालाई पचाँउदै रक्षा मन्त्रालयको जिम्मेवारी स्वीकार गरेका छन् । यता, गृह मन्त्रालय नपाएको अपमान पचाउन माओबादी केन्द्रका नेता बर्षमान पुन अनन्तलाई भने असहज भएको देखिएको छ ।
अनन्तलाई गृहको आस्वासन दिएर अन्तिममा अर्को मन्त्रालय प्रस्ताव गरेपछि उनले सरकारमा सामेल नहुने निर्णय लिएका छन । उनले आफु मन्त्री नबन्ने निर्णय अध्यक्ष प्रचण्डसामु पनि पुर्याएका छन । अनन्त रुस्ट बनेपछि प्रचण्ड परेशान बनेका छन ।
पार्टीमा प्रचण्डको विश्वासपात्रको रुपमा चिनिएका नेता अनन्त गृह नपाएर भन्दा पनि झुटो आस्वाशन पाएकोमा दुखी भएको उनी निकट श्रोतले बताएको छ । बिहानसम्म अध्यक्ष प्रचण्डले गृह मन्त्रालयको तयारी गर्न लगाएका थिए । तर ११ बजे गृह मन्त्रालय नपाउने सूचना पाएपछि अनन्तले सपथ ग्रहण अस्वीकार गरे ।
प्रचण्ड निकट श्रोतले भने अध्यक्षले धोका नदिएको दावी गरेको छ । ”उपप्रधानमन्त्री नपाउने भएपछी नेता राम बहादुर थापा बादललाई गृह दिनुको बिकल्प भएन । ”अध्यक्ष निकट श्रोतले भन्यो ।
यता, अनन्तको भने अध्यक्ष प्रचण्डले एमालेसंग बार्गेनिङ पावर घटाएको बुझाइ छ । आफूलाई केटाकेटीलाई जस्तो जिस्काएको उनको ठहर छ । प्रचण्डले उर्जा लिन गरेको प्रस्ताव उनले ठाडै अस्वीकार गरेका छन् । आफ्ना बिश्वासपात्र रिसाएपछि परेसान बनेका प्रचण्ड अहिले उनलाई फकाउने कसरतमा रहेको सूचना प्राप्त भएको छ ।
आज ११ दिनपछि बिस्तारित भएको मन्त्रीपरिषदमा एमालेबाट इश्वर पोखरेल रक्षा , डा युवराज खतिवडा अर्थ तथा माओबादी केन्द्रबाट नेता रामबहादुर थापा गृह र मात्रिका यादव उद्योग बाणिज्य तथा आपूर्ति मन्त्रीमा नियुक्त भएका छन् ।