भक्तपुर, १६ फागुनप्रधानमन्त्री केपी शर्मा ओलीलाई मन्त्री मण्डल बिस्तारमा सार्है सकस परेको छ । यो सकस उपेन्द्र यादवको नेतृत्वको संघीय समाजबादी फोरमलाई सरकारमा ल्याउन खोज्दा परेको हो ।
दुई तिहाइ मत जुटाउने भन्दै फोरमलाई सरकारमा ल्याउन लागिपरेका प्रम ओली र माओबादी केन्द्रका अध्यक्ष प्रचण्ड फोरम सजिलै नआउदा परेशान छन् । पटक पटकको वार्तामा फोरम अध्यक्ष उपेन्द्र यादवले संबिधान संसोधनको अडान नछोडेपछी उनीहरु परेशान बनेका हुन् ।
आफ्नै मन्त्रीका आकांक्षीहरुलाई कुराएर फोरमका अध्यक्ष यादवसंग वार्तामा बसेका ओली – प्रचण्डले नतिजा ननिकाल्दा एमाले र माओबादी केन्द्रका मन्त्री आकांक्षीहरु आजित बनेका छन । उनीहरुको प्रतिक्षाको घडी लम्बिदा मन्त्री हुने नहुने ढुकढुकी पनि बढिरहेको छ । रात रहे अग्राख पलाए भने झैँ समय घर्केपछि अवसर उम्किने चिन्ताले उनीहरुको निन्द हराम् भएको छ ।
बुधवार पनि फोरम संग सहमती नबन्दा मन्त्री परिषद बिस्तार सम्भव भएन । सरकारमा सहभागी हुन यादवले आकांक्षा राखेका मन्त्रालयका कारण हलो अड्केको बताइएको छ ।
प्रधानमन्त्री केपी शर्मा ओली, नेकपा (माओवादी केन्द्र) का अध्यक्ष पुष्पकमल दाहाल र फोरमका अध्यक्ष उपेन्द्र यादवसहित आज साँझ बसेको शीर्ष नेताको बैठक पनि निष्कर्षमा पुग्न नसकी सकिएको छ । संविधान संशोधनका विषयमा सहमति जुटाउन नसकेपछि बार्ता बिना निष्कर्ष टुंगिएको हो ।
फोरमलाइ संविधान संशोधन गरेर सरकारमा सहभागि गराउने बिषयमा बिहिवार बिहान ९ बजे बालुवाटारमा निर्णायक बार्ता हुने एमाले नेता प्रदिप ज्ञवालीले बताए । यदि बिहिवारको वार्तामा फोरमसंग कुरा मिले पनि नमिलेपनि शुक्रवार मन्त्रीपरिषद बिस्तारको सम्भावना भएको बताइएको छ ।
अपडेट ; बिहान ९ बजे बालुवाटारमा निर्णायक बार्ता हुने भनिएकोमा सो पनि बिना निष्कर्ष टुंगिएको छ ।