अन्तराष्ट्रिय श्रमिक महिला दिवसको अवसर पारेर नेपाल पत्रकार महासंघले तीन जना महिला पत्रकारलाई लैङ्गिक समानता पुरस्कार द्वारा पुरस्कृत गरेको छ । शनिवार महासंघको सभाहलमा महिला समितिद्वारा आयोजित कार्यक्रममा ३ महिला पुरस्कृत भएका हुन् ।

पुरस्कृत हुनेहरुमा नानिमैया विष्ट, गगनशिला खड्का र मन गैरे रहेका छन । उनीहरुलाई जनही १० हजार नगद र प्रमाणपत्र प्रदान गरिएको हो ।

सञ्चारमा लैङ्गिक समानता र अवसर सम्बन्धी १७ वटा लेख रचना प्राप्त भएकोमा उत्कृष्ट तीन वटालाई पुस्कृत गरिएको महासंघ महिला समिति संयोजक लक्ष्मी पुनले जानकारी गराइन् ।

उक्त अवसरमा पत्रकार महासंघका अध्यक्ष गोबिन्द आचार्य , सूचना तथा सञ्चार मन्त्रालयका सचिव केदारबहादुर अधिकारी लगायत पत्रकारका नेताहरुले पत्रकारितामा महिलाको महत्व, भूमिका र चुनौती आदी बारे प्रकाश पारेका थिए ।