भक्तपुर, २१ फागुनपूर्व गृहमन्त्रीद्वय जनार्दन शर्मा र शक्ति बस्नेत बर्तमान सरकारमा मन्त्रीका आकांक्षी छन । बस्नेतको मन्त्री बन्ने पक्कापक्की भएपछी इन्ट्री मारेका शर्माका कारण यी दुई मध्य को मन्त्री बन्ने भन्ने कुरा माओबादी केन्द्रमा पेचिलो प्रश्न बनेको छ ।
संघीय समाजबादी फोरम पनि सरकारमा सामेल हुने प्रवल सम्भावना बढेपछि बस्नेत र शर्मा खतरामा परेका हुन् । अमनलाल मोदीको मन्त्री बन्ने चर्चा चुलिएको बेलामा एकाएक उनको सट्टामा प्रभावशाली नेता जनार्दन शर्मा मन्त्रीको सूचीमा पर्न सफल भएका थिए तर फोरम सरकारमा सामेल भए माओबादीको भागमा ६ मन्त्रालय मात्र पर्ने भन्दै प्रधानमन्त्री केपी ओलीले दवाव दिएपछि उनको मन्त्री बन्ने सम्भावना खतरामा परेको श्रोतले इभक्तपुरलाई जानकारी गरायो ।
शर्मा रुकुमका सांसद हुन् भने बस्नेत जाजरकोटबाट प्रतिनिधित्व गर्दछन । उनीहरु दुबैजना ६ नम्बर प्रदेशमा पर्ने हुनाले १ जना मात्र मन्त्री बन्ने सम्भावना देखिएको छ ।
बस्नेतको पक्षमा प्रचण्ड , शर्माको पक्षमा प्रधानमन्त्री
नेकपा माओबादी केन्द्रका अध्यक्ष पुष्पकमल दाहाल प्रचण्ड भने बस्नेतको पक्षमा देखिएका छन । यता प्रधान मन्त्री केपी ओलीले भने शर्मालाई रुचाएका छन । मोदी नया भएकोले उनलाई भन्दा अनुभवी र क्षमतावान देखिएका शर्मालाई ल्याउनुपर्ने भन्दै प्रधानमन्त्री केपी ओलीले सुझाएपछि मात्र शर्माको सिफारिस भएको थियो ।
अहिले मन्त्रालय घटाउने कुरा आएपछि माओवादी केन्द्रका अध्यक्ष प्रचण्ड मानेका छैनन् । उनले ओलीलाई शर्मा चाहिने भए मन्त्रालय नखोस्न सुझाव दिएको श्रोतको दावी छ ।
माओबादी केन्द्रबाट मन्त्री सिफारिस भएकामा रामबहादुर थापा बादल र मात्रिका यादवले पदभार ग्रहण गरिसकेका छन भने बर्षमान पुन, गिरिराजमणि पोखरेल , जनार्दन शर्मा, शक्ति बस्नेत र बिना मगर मन्त्री बन्ने तयारीमा छन् ।
