भक्तपुर, २२ फागुनमंगलबार संसद बैठकमा नेपाली काँग्रेसका सभापति शेरबहादुर देउवाले एमालेका बरिष्ठ नेता माधव नेपालप्रति कटाक्ष गरेका छन । आफु अघि बोलेका नेपालले अलि बढी नै फ़काउन खोजेको भन्दै उनले काँग्रेसलाई फकाउन जरुरी नभएको भनेका छन् ।
नेता नेपालले डुब्न लागेको देश बचाउन जनताले बाम गठबन्धनलाई बहुमत दिएको बताउदै प्रतिपक्षलाई रचनात्मक सहयोग गर्न अनुरोध गरेका थिए । प्रतिउत्तर दिदै देउबाले भने , ” माधव नेपालजीले अलि बढी नै भन्नुभो त्यो उहाँको बाध्यता होला तर काँग्रेसले सधै राम्रोको मात्र साथ् दिन्छ ।
सभापति देउबाले सांसदहरुलाई प्रमुख प्रतिपक्ष दलको नेताको हैसियतले बधाई र शुभकामना दिएका थिए भने नयाँ सरकार र प्रधानमन्त्रीलाई बधाई तथा शुभकामना दिने क्रममा प्रधानमन्त्री केपी ओली प्रति व्यंग्य गर्दै उनले भने, ”केपी ओलीजीले मैले चुनाव नै गराउदिन भन्नुहुन्थ्यो तर अहिले मैले गराएकै चुनावबाट प्रधानमन्त्री हुनुभएको छ ,उहाँलाई र उहाँले नेतृत्व गरेको सरकारलाई बधाई तथा शुभकामना छ ।”