नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफुहरु एउटा लडाई सकेर अर्को लडाई शुरु गर्न लागेको जिकिर गरेका छन ।

संघीय संसदको बैठकलाई मंगलवार सम्बोधन गर्दै प्रचण्डले राजनीतिक लडाइ पूरा गरिसकेका बताएका छन । उनले अब देशमा राजनीतिक लडाइ सकिएको र समृद्धिको लडाई शुरु भएको जिकिर गरे ।
अब देशमा स्थायित्व, सुशासन, विकास र समृद्धिको लडाइ सुरु भएको उनको दावी छ ।
स्थायित्व, सुशासन, विकास र समृद्धि ल्याउनको लागि नयाँ लडाइ शुरु भएको छ ।’ समृद्धिको नयाँ लडाइलाई पूरा गर्न सबै राजनीतिक दलले सहमति र सहकार्य गरेर अगाडि बढ्नुको बिकल्प छैन । उनले बताए ।

अध्यक्ष प्रचण्डले समृद्धिको सपना पूरा गर्न राजनीतिक संस्कार परिवर्तन गर्नुपर्नेमा पनि जोड दिएका छन । राज्य संयन्त्र, कर्मचारी, न्यायालय, सुरक्षा निकायको कार्यशैली समाजवाद उन्मुख यात्रा अनुकूल नभएको प्रति चिन्ता गर्दै उनले अब सबैले पूरानो संस्कार र कार्यशैली परिवर्तन गरेर देश र जनताको हितमा काम गर्नुपर्ने बताए ।’
संविधान गतिशील भएकाले विद्रोह र आन्दोलन नगरीकनै लोकतान्त्रिक विधिबाट परिमार्जन गर्न सकिनेभएकोले राजनीतिक लडाई अन्त्य भएको उनको दावी छ ।
छिमेकी देशसँगको सम्बन्धबारे बोल्दै उनले नेपालले सबै छिमेकीसँग राम्रो सम्बन्ध राख्नुपर्ने भन्दै , भारत र चीन बीचको सम्बन्ध आपसी हितको आधारमा हुनुपर्ने बताए ।’