भक्तपुर, २३ फागुन नेकपा (एमाले) को स्थायी समितिले रास्ट्रपति विद्यादेवी भण्डारीलाई दोहोर्याउने निर्णय गरेको छ । मंगलवार मध्यरातमा भण्डारीलाई दोहोर्याउने निर्णय भएको हो ।
बुधबार ३ बजे सम्म मनोनयन दर्ता गराइसक्नु पर्ने तालिका भएपनि कस्लाइ रास्ट्रपति बनाउने भन्ने टुंगो लाग्न सकेको थिएन । बरिस्ठ नेता झलनाथ खनालले रास्ट्रपतिमा आकान्क्षा राखेका थिए भने भण्डारीले दोहोरिन लबिङ गरेकी थिइन् ।
सहमती जुट्न नसक्दा साझ ६ बजेबाट बालुवाटारमा बसेको बैठक मध्यरातसम्म लम्बिएको थियो । करीब ६ घण्टा लामो बैठक पछि मध्यरातमा भण्डारी लाई दोहोर्याउने निर्णय सार्वजनिक भएको हो ।
उनी प्रधानमन्त्री एवम् एमाले अध्यक्ष केपी ओली क्याम्पकी हुन् ।
रिपोर्टिङका लागी बालुवाटारमा निर्णय कुरिरहेका पत्रकारहरुले भण्डारीका बिरोधी नेताहरु निदाउन्जेल कुरेर निर्णय भएको भन्दै मजाक समेत गरेका थिए । यो बिषय सामाजिक संजालमा समेत घोचपेचको बिषय बनेको छ ।
बहुमत प्राप्त दलको उम्मेदवार हुने भएपछि रास्ट्रपति भण्डारी दोहोरिने सुनिश्चित देखिएको छ । २९ गते रास्ट्रपतिको निर्वाचन हुने कार्यतालिका तोकिएको छ ।