राष्ट्रिय सभामा नेपाली काँग्रेस नेतृत्वको सरकारले गरेको रिफारिस उल्टाएको भन्दै आक्रोसित काँग्रेसले राष्ट्रपतिमा विद्यादेवी भण्डारीलाई निर्विरोध हुन् नदिने भएको छ । काँग्रेसले वहालवाला राष्ट्रपति समेत रहेकी भण्डारीलाई चुनौती दिन काँग्रेस नेतृ लक्ष्मी राईलाई अघि सार्ने भएको हो ।

लक्ष्मी राई नेपाली काँग्रेसले सम्मानसाथ् लिने शहिद दिवानसिं राईकी छोरी हुन् ।

नेकपा एमालेले भोजपुरमा जन्मिएकी वर्तमान राष्ट्रपति विद्यादेवी भण्डारीलाई पुन राष्ट्रपतिमा दोहोर्याउने निर्णय गरेसंगै काँग्रेसले पनि भोजपुरकै छोरी राईलाई उमेद्वार बनाउने तयारी गरेको श्रोतले बतायो । यद्यपी मान बहादुर बिश्वकर्मा पनि उठ्ने सम्भावना रहेको थियो ।

बहुमत प्राप्त बाम गठबन्धन दुइ तिहाइको कसरतमा रहेकोले काँग्रेस उम्मेदवारले जित्ने सम्भावना भने देखिदैन ।  ३  बजेसम्म राष्ट्रपतिका लागि उम्मेद्वारी मनोनयनको समयसीमा तोकिएको छ ।