दक्षिण कोरियाले कामदार लैजान अनिवार्य गरेको इपीएस अन्तर्ग नवौं भाषा परीक्षाको मिति तय भएको छ । आगामी जेठ २६ र २७ गतेको लागि भाषा परीक्षाको मिति तय भएको हो ।

उक्त परीक्षामा सामेल हुन इच्छुक व्यक्तिहरुले चैत्र ८ देखि १७ गते सम्म आवेदन दिन सक्ने बताइएको छ । आवेदनका लागि तोकिएको यस १० दिनको अवधीमा १८ वर्ष पुरा भई ३९ वर्ष ननाघेको व्यक्तिले परीक्षाको लागि आवेदन दिन सक्ने इपीएस कार्यालय ग्वार्कोले जनाएको छ ।

परीक्षाको लागि इन्टरनेट मार्फत आवेदन भर्नुपर्नेछ । आवेदन दिनका लागि इपिएस कार्यालयले epsnepal.gov.np साइट सञ्चालनमा ल्याउने जनाएको छ । परीक्षाका लागि २४ डलर शुल्क लाग्ने र भाषा परीक्षा काठमाडौं र पोखरामा सञ्चालन हुने कार्यालयले जनाएको छ । यो परीक्षामा उकृष्ट करीब ७ हजार युवालाई दक्षिण कोरियामा काम गर्ने अवसर प्राप्त हुने बताइएको छ ।