३० फागुन, काठमाडौं । काठमाडौंको गौशालाबाट गुण्डा नाइके गणेश लामालाई प्रहरीले पक्राउ गरेको छ । होटल पशुपति भिजनबाट लामा प्रहरीको फन्दामा परेका हुन् ।
होटलमा गोली चलेको सूचनाका आधारमा पुगेको प्रहरीले लामा लाई समातेको हो । उनको साथ् बाट एउटा पेस्तोल र ६ राउण्ड गोलीसहित पक्राउ गरिएको काठमाडौं प्रहरी परिसरका डिएसपी मोहन थापाले पुष्टि गरे ।
गोली हानिएको बारे थप कुरा बाहिर आएको छैन । प्रहरीले लामा लाई प्रहरी परिसर पुर्याएको छ र अनुसन्धान अगाडी बढाएको बताएको छ । लामा उक्त होटलमा प्रत्येक साँझ जीमको लागि जाने भएता पनि आज भने प्रहरीको फन्दामा परे । नेता विजय कुमार गच्छदारको आशिर्वादमा पछिल्लो समय राजनीतिमा पाइला चलाएका लामा काभ्रेबाट प्रदेश सभा सदस्यमा नेपाली काँग्रेसका पराजीत उम्मेदवार समेत हुन् ।
अपडेट : पेस्तोल सहित पक्राउ परेका लामाले पेस्तोल आफ्नो नभएको बरु २ युवाले आफूमाथि प्रहार गर्न ल्याएको र आफूले सो पेस्तोल खोसेर प्रहरीलाई बुझाउन खोजेको बयान दिएपछि प्रहरी नै चकित परेको छ ।