प्रधानमन्त्री केपी ओलीले राजपाका सर्वमान्य नेता महन्थ ठाकुरलाई गरेको उपराष्ट्रपतिको अफर उनले अस्वीकार गरेपछि अन्तत : उपराष्ट्रपतिमा नन्दबहादुर पुन दोहोरिएका छन । आज उपराष्ट्रपतिमा पुनको मात्र उम्मेद्वारी परेपछि उनी निर्वाचित भएका हुन् ।
वर्तमान उपराष्ट्रपति नन्दबहादुर पुनको मात्र उपराष्ट्रपति पदमा उम्मेदवारी परेको निर्वाचन अधिकृतको कार्यालयले आज जनाएको छ ।
उपराष्ट्रपति पुनले आज अपराह्न सो पदका लागि आफ्नो उम्मेदवारी दर्ता गराएका थिए । सो उम्मेदवारीको प्रस्तावकमा रेखा शर्मा, सुवास नेम्वाङ, परशुराममेघी गुरुङ, पम्फा भुसाल र भानुभक्त ढकाल थिए ।
यसैगरी समर्थकमा जयपुरी घर्ती, राजेन्द्र गौतम, रामनारायण बिडारी, ओनसरी घर्ती र देव गुरुङ थिए ।
पुनको बिपक्षमा नेपाली काँग्रेसले उम्मेदवार नउठाएपछि उनी निर्विरोध निर्वाचित बनेका छन । यद्यपी यसको घोषणा भने आइतवार गरिने भएको छ ।