सर्लाही, १२ चैत । ज्वाला सिंह नेतृत्वको जनतान्त्रिक तराई मुक्ति मोर्चाका सैन्य कमाण्डर बारुद सिंह उर्फ सुरेन्द्र पासवान समातिएका छन् । प्रहरीको मोष्ट ओन्टेड सूचीमा रहेका पासवानलाई प्रहरीले पर्साबाट पक्रेको हो ।
सीआईबीको बिशेष टोलीले उनलाई पर्साबाट पक्रेर आइतवार सर्लाही प्रहरीको जिम्मा लगाएको छ । सर्लाही जिल्ला अदालतमा उनी बिरुद्ध मुद्दा रहेकोले सीआईबीले पासवानलाई सर्लाही प्रहरीको जिम्मा लगाएको हो । रौटहटको गरुडा नगरपालिका २ घर भएका ३५ वर्षिय पासवानलाइ पर्साबाट बिशेष सुचनाका आधारमा पक्राउ गरि ल्याएको जिप्रका सर्लाहीका प्रवक्ता राजेश थापाले जानकारी गराएका छन ।
उनलाई सोमबार नै जिल्ला अदालतमा उपस्थित गराइने जिप्रका सर्लाहीले जनाएको छ ।
जनतान्त्रिक तराई मुक्ति मोर्चाका सैन्य कमाण्डर पासवान लामो समयदेखि भूमिगत थिए । सर्लाहीमा उनीमाथि अपहरण, शरीर बन्धक, फिरौती, चन्दा असुली, विष्फोट लगायत ६ वटा मुद्दा रहेको छ ।
सच्याइएको : सुरेन्द्र पासवान हुनुपर्नेमा यादव भएकोले सच्याइएको छ ।