नयाँ शक्ति पार्टी नेपालका संयोजक डा. बाबुराम भट्टराईले एमाले – माके एकता लाई आत्महत्याको संज्ञा दिएका छन । सोमबार नेपालगञ्जमा नयाँ शक्ति पार्टीको एक कार्यक्रममा बोल्दै उनले उक्त संज्ञा दिएका हुन् ।

बामपन्थी गठबन्धनमा सामेल हुन आफुले पहिले गरेको निर्णयको बचाव गर्दै उनले भने ” समाजवादी केन्द्रको स्थापना गर्न सकियला कि भनेर वामपन्थी गठबन्धनमा सामेल हुने निर्णय गरियो तर एमाले र माओवादी केन्द्र त्यसमा विचलित भएपछि बाहिरिन बाध्य भइयो ।”

बाम एकताको नाममा उनीहरुसंग मिसिन जाने कुरा आफ्नो पार्टीको पनि आत्महत्या सरह हुने भन्दै त्यो सोच्न पनि नसकिने उनले जिकिर गरे ।

नयाँ शक्ति अन्य पुराना शक्तिहरुसंग मिलन नसक्ने जिकिर गर्दै उनले भने “हामी दूध हौं, अरु पानी हुन्। पानीमा दुध मिसिने कुरा हुँदैन । थोरै भएपनि दूध भनेको दूध नै हो ।”

उक्त अवसरमा संयोजक डा. बाबुराम भट्टराईले माओबादी केन्द्र र काँग्रेस परित्याग गरि आएका केहि कार्यकर्तालाई नयाँ शक्ति पार्टीमा प्रवेश गराएका थिए ।