इभक्तपुर संवाददाताभक्तपुर, १५ चैत
भक्तपुर, १५ चैतजिल्ला न्यायाधीश पदको परीक्षामा माग भन्दा आधा मात्र लिखित परीक्षामा पास भएका छन । न्याय सेवा आयोगले जिल्ला न्यायाधीशको लागि लिएको परीक्षामा आधा मात्र पास भएका हुन् ।
बुधवार निस्केको लिखित परीक्षाको नतिजा अनुसार माग गरिएको पद संख्या ३० मध्ये १६ मात्र उत्तीर्ण हुन सकेको देखिएको छ । ३ सय ७३ जना परीक्षामा सामेल थिए ।
त्यतिमात्र होइन, समावेशी कोटामा त् झन् कोही पनि उतीर्ण हुन सकेनन् । आयोगले महिलामा २, आदिबासी जनजातिमा २, मधेसीमा २ तथा दलित जनजातिमा २ जनाको कोटा निर्धारण गरेको भएपनि उत्तीर्ण संख्या भने शुन्य भयो ।