सर्लाहीको इश्वरपुर नगरपालिकामा अबस्थित सागरनाथ बन परिसरमा गएराती प्रेसरकुकर बम बिस्फोट भएको छ ।
सर्लाही र मोहत्तरी दुई जिल्ला क्षेत्रमा फैलिएको सागरनाथ बन बिकाश परियोजनाको हातामा राती करिब १२ बजेको समयमा बम बिस्फोट भएको सर्लाही प्रहरीले बताएको छ ।
राती ठुलो आबज आए पछि शुरुमा त चट्याङ्ग जस्तो लागेको भए पनि पछि कम्पाउण्ड पछाडी प्रेसर कुकर का टुक्राहरु देखेपछि कुकर बम नै बिस्फोट भएको थाह भएको बन परियोजनाका लेखापाल सन्दिप पन्थीले बताए ।
बम बिस्फोटको जानकारी आउनासाथ नेपाल प्रहरी र ससस्त्रका टोलि घटना स्थलमा पुगि घटनाको बारेमा अनुसन्धान गरि रहेको इलाका प्रहरी कार्यालय केशरगन्जका प्रहरी निरीक्षक अनिल पौडेलले जानकारी गराए ।
बम बिस्फोटबाट मानबिय क्षति नभए पनि परियोजनाको कार्यालय को केहि झ्यालमा कुकर पडकेर उछिटिएको कुकर को चोईटा ले क्षति पुर्याएको प्रहरी निरीक्षक पौडेलले बताए ।
बम बिस्पोट भए पनि बम कस्ले र किन पड्काएको भन्ने बारेमा खुल्न सकेको छैन । अहिले सम्म कसैले बिष्फोटको जिम्मा नलिएको सर्लाही प्रहरीले जनाएको छ ।

अपडेट : सागरनाथ वन विकास परियोजनाको कार्यालयमा भएको वम विस्फोटको जिम्मा नेत्र बिक्रम चन्द “विप्लव” नेतृत्वको नेकपाले लिएको छ ।

गएराती अन्दाजी १२ बजेको समयमा ईश्वरपुर नगरपालिका ४ स्थित सागरनाथ वन विकास परियोजनाको कार्यालयमा प्रेसर कुकर वम विस्फोट गराएको उसले जिम्मा लिएको हो ।

कार्यलय भवनको झ्याल तथा टीनको छानोमा क्षति पुग्ने गरी गराइएको उक्त प्रेसर कुकर वम विस्फोटको जिम्मा आफुहरुले लिएको नेकपाका जनकपुर व्यूरो सदस्य दिनेश ले टेलिफोन मार्फत जानकारी गराएका छन् ।

उनका अनुसार परियोजनाले वर्षौ देखि परियोजनाको जग्गामा वस्दै आएका सुकुम्वासीहरुलाई उठीवास गराएको, सुकुम्वासीलाई झुटा मुद्धा लगाई जेल हालेको, बाँकी रहेका सुकुम्वासीहरुलाई पनि योजनावद्ध उठीवास बनाउने थप योजना बनाएको र परियोजनालाका काठ ठेकेदार सँगको मिलोमतोमा विक्री भन्दा बढी काठ रातारात पास गरी ठेकेदारलाई करोडपति र परियोजनालाई कंगाल बनाउने सम्मको रणनीति अपनाएको भन्दै चेतावनी स्वरुप आफूहरुले कार्वाही स्वरुप पहिलो पटक सामान्य वम विस्फोट गराएको बताए ।