भक्तपुर, १८ चैतसरकारी कर्मचारीप्रति आक्रामक बनेको सरकारले कर्मचारीले काम नगर्दा सेवा प्रभावित भएको निचोड निकालेको छ । कर्मचारीलाई भरपूर समय काम लगाउनु पर्ने नीति बमोजिम नै भारी मात्रामा सरकारी बिदामा कटौती भएको छ ।
मन्त्रीपरिषद बैठकले निर्णय गरेर सार्वजनिक बिदामा कटौती गरेको हो । बिदा कटौतीले बजारमा अनेक तरंगहरु पनि देखा परेका छन । जाति धर्म र सम्प्रदाय संग जोडेर बिदा पाउनु लाई अधिकार जस्तै व्याख्या पनि गरिएको छ तर सरकारले भने बिदा अधिकार नभएर सुबिधा मात्र भएको प्रष्ट पारेको छ ।
बिदा बारे जनमानसमा चासो भएपनि राजपत्रमा प्रकाशित हुन समय लाग्दा मानिसमा कौतुहलता कायम हुनु स्वाभाविक नै हो । मुख्य सचिवले प्रमाणित गरेर पठाउन समय लगाएपछि आधिकारिक रुपमा बिदाको सूचना बाहिर आउन नसकेको श्रोतले इभक्तपुरलाई बतायो ।
इभक्तपुरलाई नयाँ बर्ष २०७५ मा बिदाको व्यवस्था बारेको आधिकारिक सूचना प्राप्त भएको छ । बिदा सम्बन्धी बजारको हल्लाकै भरमा धारणा बनाएर बस्नुभएका पाठकहरुलाई सहि सूचना प्राप्त होस् भन्ने उदेश्यले उक्त सूचना हामीले यहाँ प्रस्तुत गरेका छौ ।
