News Portal

  • व्यापारीकरणको नमूना बन्दै बृहस्पति बिद्या सदन : अभिभावकलाई सास्ती,सरोकारवाला सुतेकोसुत्यै

    इभक्तपुर संवाददाताकाठमाडौं, २२ चैत
    २७४२ पटक
    काठमाडौं, २२ चैत

    आफ्ना सन्तानलाई वृहस्पती विद्या सदन स्कूलमा पढाइरहेका अथवा पढाउन चाहना भएका अभिभावकहरूले अग्रिम रूपमा शुल्क बुझाउनु पर्ने भएको छ । अग्रिम भुक्तानी गर्न नसक्ने अभिभावकका बालबालिका उक्त बिद्यालयमा पढ्नबाट बन्चित हुने भएका छन् ।

    वृहस्पती विद्या सदनले बोर्डको निर्णय भन्दै आर्थिक भार लादेको एक अभिभावकले इभक्तपुरसंग गुनासो गरेका छन । मासिक ३३ हजार देखि ३९ हजार अग्रिम रकम बुझाउन पैसाको बन्दोबस्त गर्न नसक्ने अभिभावकहरू विद्यालयको उक्त निर्णयबाट तनावमा परेका छन् ।

    काठमाडाैं महानगरपालिका-५ को टङ्गालस्थित वृहस्पती विद्या सदनमा विशाल ग्रुपले नयाँ व्यवस्थापनको जिम्मा लिएपछि अहिले विद्यालय परिसरमा नयाँ नयाँ भवन लगायतका भौतिक संरचनाहरू निर्माण भैरहेका छन् । तिनको निर्माण कार्य सम्पन्न गर्न भन्दै विद्यालय व्यवस्थापन समितिले अभिवावकहरूसँग दुई महिनाको अग्रीम शुल्क उठाउने निर्णय गरेको बताइएको छ ।

    अग्रिम शुल्क उठाउन थालेपछि कतिपय अभिभावकहरू पैसा जुटाउन नसकेर हैरान परेका छन् । के.जी देखि दश कक्षासम्मका विद्यार्थीहरूबाट यसरी अग्रीम शुल्क उठाउँदा महिनाको ७० लाख देखि ८० लाख रुपैयाँ उठ्छ । शिक्षामा व्यापारीकरणको बृहस्पति एक नमुना बनेको भन्दै शिक्षाप्रेमीहरुसमेत असन्तुष्ट बनेका छन् ।

    नियम विपरित अभिभावकहरूबाट यसरी जबर्जस्ती पैसा उठाउँदा जिम्मेवार निकाय भने मौन छ । मासिक रूपमा लिइँदै आएको शुल्कमा पनि भारी वृद्धि गरिएको छ । एउटा शिशुलाई के.जीमा पढाउन महिनाको रु.१३ हजार ३ सय रुपैयाँ तिर्नु पर्छ । न्यून मासिक आम्दानी हुने अभिभावकले अहिले आफ्नो र परिवारको गाँस काटेर जेनतेन आफ्ना सन्तानलाई विद्यालयमा पढाइरहेका छन् । अग्रिम शूल्क लिने विद्यालयको यस्तो निर्णयले त्यस्ता अभिभावक विशेष मारमा परेका छन् ।

    आफुले फी तिर्न नसक्ने कुरा थाँहा दिएर आफ्ना नानीबाबुलाई मनोबैज्ञानिक रुपमा कमजोर बनाउन नसक्ने भन्दै अभिभावकहरु बृहस्पतिमा बच्चा पढाउनु आफूहरुको रहर नभई बाध्यता रहेको बताउछन् । बृहस्पती विद्या सदनमा पढ्ने केटाकेटीहरूका अभिभावकले काम गर्ने कार्यालयहरूले विद्यालयलाई तिर्नकै निमित्त भनेर अग्रीम दुई महिनाको तलबको व्यवस्था सम्बन्धित निकायले मिलाइदिनुपर्ने अन्यथा अभिभावकलाई मार पर्ने यस्ता असङ्गत निर्णय गरी शिक्षाका नाममा लुट्ने प्रवृत्तिमा लगाम लगाउनु पर्ने अभिभावकहरूले माग गरेका छन् ।

    सरकारी स्वामित्वको बाल मन्दिर परिसरलाई लिजमा सस्तोमा भाडा लिएर विशाल ग्रुपले वृहस्पती विद्या सदन सञ्चालन गर्दै आएको छ । यस तर्फ स्थानीय निकाय, शिक्षा कार्यालय, अभिभावक संघ, विद्यार्थी संघ लगायतका सम्बन्धित निकायको ध्यान जान सकेको छैन । राम्रा भनेर कहलिएका विद्यालयहरूमा पैसावालहरूले मात्र पढाउन पाउने प्रवृत्तिको अन्त्य गर्न र सामथ्र्य हुने नहुने सबैको गुणस्तरीय शिक्षामा पहुँच पु¥याउनका लागि मंत्रालय, स्थानीय सरकार लगायत सवै सरोकारवालाहरूको यथाशिघ्र ध्यानाकर्षण हुनु आवश्यक रहेको देखिन्छ । मनोमानीसँग अग्रीम रूपमा चर्को शुल्क असुल्ने वृहस्पती विद्या सदन जस्ता विद्यालयको छानवीन गरी अभिभावकहरूमा पर्न गएको मर्का र समस्या समाधान गर्न सरोकारवाला निकायले यथाशिघ्र ध्यान देओस् भन्ने अनुरोध अभिभावकहरूले गरेका छन् ।

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...