हिमालयन कलेज अफ एग्रीकल्चरल साइन्स एण्ड टेक्नोजोजी (हिकास्ट) मा बम फेला परेको छ । अखिल क्रान्तिकारी जिन्दावाद लेखेर झण्डासहित गाडिएको अवस्थामा बम फेला परेको हो ।

क्रान्तिकारीले हिकास्टमाथि चर्को शुल्क असुली गरेर शिक्षालाई पहुँचबाट टाढा पुर्याएको, भौतिक पुर्वार्धार नभएको र राजनीतिक बिचारलाई बन्देज लगाउन खोजिएको लगायतका आरोप लगाउदै हिकास्टलाई कारवाही गर्नुपरेको कारण बताएको छ ।

बुधवार बिहान सानेपास्थित पूर्वान्चल युनिभर्सिटी अन्तर्गतको उक्त कलेजमा फेला परेको बमलाई नेपाली सेनाको बम डिस्पोजल टोलीले निस्तेज पारेको थियो ।

यसैबीच बिहीवार प्रचण्ड नेतृत्वको नेकपा (माओबादी केन्द्र) निकट अखिल क्रान्तिकारी र मोहन बैद्य नेतृत्वको नेकपा (क्रान्तिकारी माओबादी) निकट अखिल क्रान्तिकारीले प्रेस बिज्ञप्ती मार्फत उक्त घटनामा आफ्नो संलग्नता नभएको प्रस्ट पारेको नेकपा (माओबादी केन्द्र) निकट अखिल क्रान्तिकारीका नेता निश्चल घिमिरेले जानकारी गराएका छन् ।

बिप्लव नेतृत्वको नेकपा निकट अखिल क्रान्तिकारीले भने कुनै धारणा बाहिर ल्याएको छैन । अहिलेसम्म कसैले घटनाको जिम्मेवारी लिएको पनि छैन ।