सर्लाही, ३ बैशाखसर्लाहीको एक पानी उत्पादन गर्ने उद्योगले उपभोक्तालाई अशुद्ध पानी बिक्रि बितरण गरेको रहस्य खुलेको छ ।
जिल्ला को गोडैता नगरपालिका ८ मा नवल ठाकुरले संचालन गरेको विक्रम डिस्टीलरी मिनरल पिउने पानी फ्याक्ट्रीले पानी शुद्धिकरण विना नै प्याकिङ्ग गरी विक्रि वितरण गर्ने गरेको पाईएको हो ।
आइतबार गोडैताको एक विद्यालयले आयोजना गरेको विद्यार्थी भर्ना अभियानमा सहभागी हुन पुगेका प्रमुख जिल्ला अधिकारी कृष्ण बहादुर कटुवाल र जिल्लाका अन्य विशिष्ट व्यक्तिहरुलाई पिउनको लागि दिइएको मिनिरल वाटरमा माछाको गन्ध आएपछि उक्त रहस्योद्घाटन भयो ।
यसरी आम नागरिकको स्वास्थ्यमा प्रत्यक्ष असर पुग्ने गरि उद्योग सन्चालन गरेको र चलाउने मापदण्ड समेत नपुगेको पाईएपछि अनुगमनका क्रममा पुगेको कट्वालको टोलिले शिलबन्दी गरेको टोलिमा सहभागी एक सदस्यले इभक्तपुरलाई बताए ।
प्रमुख जिल्ला अधिकारी, सुरक्षाकर्मी र सन्चारकर्मी सहितको टोली सोझै फ्याक्ट्रीको अनुगमन गर्न पुग्दा संचालक प्रसासनको फन्दामा परे । मिनरल वाटर कम्पनीले मापदण्ड विपरीत उधोग संचालन गरि असुद्द पिउने पानी सिधै बोतलमा शिल लगाएर बजारमा बिक्रि बितरण गरेको पाईएको प्रजिअ कट्वालले बताए ।
‘सिधैं घर भित्रबाट पोखरीको पानी भरेर वेच्ने गरिएको रहेछ, त्यस्तो पानी खानाले नागरीकको स्वास्थ्यमा प्रतिकूल असर पर्न सक्छ भनेर हामीले फ्याक्ट्रीमा शिलबन्दी गरेका छौं’ । प्रजिअ कटुवालले इभक्तपुरलाई भने ।
‘हामी अझ अनुसन्धान गर्दैछौं, जिल्लामा त्यस्ता फ्याक्ट्री चल्न दिँदैनौ र त्यस्ता फ्याक्ट्री संचालन गर्ने जो कोहीलाई कार्वाही हुन्छ ।’ उनले प्रतिबद्धता प्रकट गरे ।