इभक्तपुर संवाददाताकाठमाडौं, ३ बैशाख
काठमाडौं, ३ बैशाख अनुमतिविना वर्षाैदेखि सञ्चालनमा रहेको विराटनगरस्थित भारतीय राजदूतावासको कार्यालयमा बम बिस्फोट भएको छ ।
सोमबार राति विराटनगर महानगरपालिका-१३ स्थित भारतीय राजदूतावास इकाइ कार्यालयमा बम विष्फोट भएको हो ।
साँझ आठ बजेर १५ मिनेटमा भएको बम विष्फोटबाट कार्यालयको पर्खाल भत्किएको छ । मोरङ प्रहरीले बम विष्फोटबाट कार्यालयको पर्खालमा क्षति पुगेको जानकारी दिएको छ ।
मोटरसाइकलमा आएका दुई जनाले झोलामा बोकेर ल्याएका बम राखेर त्यहाँबाट भागेको सुरुवाती अनुसन्धानबाट खुलेको प्रहरीले जनाएको छ । घटनामा संग्लनहरुको खोजीकार्य भइरहेको प्रहरीले जनाएको छ ।
अनुमतिविना वर्षाैदेखि विराटनगरमा सञ्चालनमा रहेको उक्त कार्यालय हटाउन बेला बेला आवाज उठेपनि नेपाल सरकारले भारतसँग हटाउनका लागि पहल गरेको छैन्। उक्त कार्यको बिरोधी शक्तिले बम बिस्फोट गराएको हुनसक्ने स्थानीयको अनुमान छ ।