![](https://bhaktapurpost.com/wp-content/themes/onlineparda/images/1px.gif)
काठमाडाैं : मलेशियाका लागि उड्न लागेको मालिन्दो एयरको जहाज त्रिभुवन अन्तर्राष्ट्रिय विमानस्थलको धावन मार्ग मै धसिएर बन्द भएको अन्तर्राष्ट्रिय उडान शुक्रबार मध्याह्न १२ बजेपछि खुल्ने भएको छ।
विमानस्थल फसेकोविमानलाई ‘पुस ब्याक’ लगाएर हटाइएको छ । र विमानलाई रनवेमा ल्याएर पूर्व तर्फको पार्किङ एरियामा लगिएको छ ।अन्तर्राष्ट्रिय उडान सञ्चालन गर्ने तयारी भइरहेको विमानस्थलका प्र्रवक्ता प्रेमनाथ ठकुरले जानकारी दिए।
मालिन्दो एयरको उक्त जहाज मलेशिया उडान भर्ने क्रममा बिहीबार १० बजेर ७ मिनेटमा रनवेबाट अनियन्त्रित भएर ४० मिटर कोटेश्वर खण्डको घाँसे मैदानमा पुगेको थियो। उक्त घटनापछि अन्तर्राष्ट्रिय उडान बन्द भए पनि आन्तरिकतर्फका उडान भने बिहान देखि नियमित भइरहेको विमानस्थल कार्यालयले जनाएको छ। मलेशिया उड्न लागेको मालिन्दो एयरको उक्त जहाजमा चालक दल सहित १३९ यात्रु रहेको विमानस्थलले जनाएको छ।