News Portal

  • लेनिन जयन्तीमा हुन् नसकेको एमाले- माओबादी केन्द्र एकताको मिति तय

    इभक्तपुर संवाददाताकाठमाडौं, ११ वैशाख
    ७५२ पटक
    काठमाडौं, ११ वैशाख

    प्रधानमन्त्री तथा नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डबीच छलफल भएको छ ।

    मंगलबार भएको छलफलका क्रममा दुवै अध्यक्षले २ पार्टी एकता घोषणाको मिति तय गरेको छ । स्रोतका अनुसार ओली-प्रचण्डले लेलिन जयन्तीका दिन भएको विवादको टुंगो लगाउँदै सरप्राइज दिन ५ मे अर्थात मार्क्स जन्मजयन्तीको दिन एकता घोषणामा सहमति गरेका छन् । ५ मे, २२ वैशाखका दिन पर्छ ।

    एकता संयोजन समितिले अध्यक्षको हैसियतका विषयमा सहमति गर्न ‘अध्यक्षहरू’लाई नै जिम्मा लगाएर घोषणाको मिति तय गर्ने पनि जिम्मेबारी दिएका थिए । एकीकरण घोषणा मितिको सहमतिमा अध्यक्षद्वय पुगेका छन् ।

    ११ मे अर्थात् २८ वैशाखमा हुन लागेको भारतीय प्रधानमन्त्री नरेन्द्र मोदीको नेपाल भ्रमण अघि नै पार्टी एकता घोषणा गरिसक्ने सहमतिमा दुई अध्यक्ष पुगेका हुन् ।

    एकता संयोजन समितिले तयार पारेको दुई कार्यदल मध्ये एकका संयोजक नेकपा माओवादी केन्द्रका नेता तथा गृहमन्त्री रामबहादुर थापा बादलका अनुसार अब केही विषयमा पनि विवाद छैन । ‘सबै विवाद मिलिसक्यो, पार्टी एकता घोषणा हुनमात्र बाँकी हो । उपयुक्त समयको लेखाजोखा भइरहेको छ’, उनले चितवन पुगेर भनेका थिए ।

    हैसियत, समानता र सम्मानजनक सहभागीताका विषयमा माओवादीभित्र कुरा उठाउने पनि बादल समुह नै थियो । उनैले सहमति भइसकेको खुलासा गरिरहँदा एकीकरण घोषणाको उपयुक्त मिति ५ मे नै रहेको अध्यक्षद्वयको निक्र्यौल भएको दुवैका सचिवालय स्रोतहरूले जनाएका छन् ।

    सो दिन एकीकरण घोषणा भएपछि नेपाल भ्रमणमा आउने भारतीय प्रधानमन्त्री मोदीसँग सरकारमा बहुमतप्राप्त एउटै पार्टीका नेताहरूको भेटघाट हुनेछ ।

    ‘नेपाली राजनीतिको केन्द्रमा भारतले प्रत्यक्ष चलखेल गरिरहेको छ भन्ने भ्रम बाँकी नरहनेगरी एकता हुन लागेको छ । बहुमत प्राप्त एउटै पार्टीको सरकार रहेपछि मोदीको भ्रमण तयारीका लागि आउने भारतीय एजेन्सीका अधिकारीहरूलाई पनि चलखेल गर्ने मौका मिल्ने छैन’, उच्च स्रोतले भन्यो ।

    लेलिन जयन्तीका दिन व्यानर र नामका विषयमा माओवादीले आपत्ति जनाएउँदा लामो समय कार्यक्रम सञ्चालन हुन सकेको थिएन । तर दुई अध्यक्षले मात्र सम्बोधन गरेको कार्यक्रममा प्रचण्डले ‘ओली र प्रचण्डले नचाहे पनि एकता भएरै छाड्ने’ बताउँदै कसैले थाहा नपाएको समयमा एकीकरण घोषणा हुने बताएका थिए ।

    उता प्रधानमन्त्री ओलीले भने वाम एकताका लागि निक्कै चुनौति उठाएर अघि बढेका कारणले अब यसलाई भाँड्छु भन्ने शक्तिले मुख नमिठ्याउन सुझाव दिँदै भनेका थिए,‘पार्टी एकता मेलामा लगाएको मित होइन, विर्सिने पत्तो नपाउने ।’

    घोषणामात्र बाँकी रहेको वाम एकताका लागि केही एमाले र केही माओवादीको पक्षबाट सम्झौता भइसकेको संकेत गरेका प्रधानमन्त्री ओलीले नमिलेका विषयमा पनि सहमति भइसकेको भने,‘जुत्तामा खुट्टा छिरेन भने अब ताछेर पनि साइजमा ल्याउनुपर्छ ।’

    करिब–करिब एकताका लागि सबै सहमति गरिसकेका दुई अध्यक्षको भेट विवादीत विषय सुल्झाउन होइन, नेता व्यवस्थापन र एकीकरण घोषणाको मिति र तयारीका विषयमा भएको छ ।

    एकता संयोजन समितिले २२ अप्रिल लेनिन जन्मजयन्ती तथा कम्युनिष्ट पार्टी स्थापना दिवसको दिन एकीकरण घोषणा गर्ने संकेत गरेको थियो । तर त्यसो हुन नसकेपछि एकता घोषणा नयाँ मिति तय भएको हो ।

    प्रतिकृया दिनुहोस्

    सुवर्णेश्वर मन्दिर परिसरमा १ सय ८ शिवलिङ्ग र सप्तऋषि स्थापना

    भक्तपुरको सूर्यविनायक-५ कटुञ्जेस्थित सुवर्णेश्वर मन्दिर परिसरमा १ सय ८ शिवलिङ्ग र सप्तऋषिको स्थापना गरिएको छ...

    स्वयंसेविकालाई नियमित तालिम दिन सिडिओ शर्माको निर्देशन

    भक्तपुरकी सिडिओ रुद्रादेवी शर्माले महिला स्वयंसेविकालाई नियमित तालिम र परामर्श दिन भक्तपुर स्वास्थ्य कार्यालय र...

    निःशुल्क सेवा र औषधी प्रदान गर्दै भक्तपुर आयुर्वेद स्वास्थ्य केन्द्र

    जिल्ला आयुर्वेद स्वास्थ्य केन्द्र भक्तपुरले मंगलबार जिल्ला समन्वय समितिको हलमा स्थानीय पत्रकारहरुसँग अन्तरक्रिया कार्यक्रम सम्पन्न...

    छोटो समयमा धेरै उपलब्धि हासिल गर्नु नै वास्तविक उपलब्धि: सांसद गोसाई

    बाग्मती प्रदेशका नवनिर्वाचित सांसद सुरेन्द्रराज गोसाईले छोटो समयमा धेरै उपलब्धि हासिल गर्न सक्नु मात्र वास्तविक...

    नेपाल राष्ट्रिय कर्मचारी महासंघले स्थापना दिवसको अवसरमा शुक्रवार रक्तदान गर्ने

    नेपाल राष्ट्रिय कर्मचारी महासंघले आफ्नो स्थापना दिवसको अवसरमा रक्तदान गर्ने भएको छ । स्थापना दिवसको...