भक्तपुर, १३ बैशाख गृह मन्त्रालयले धेरैजना सिडिओको एकैपटक सरुवा गरेको छ । ३७ जिल्लाका सिडिओको एकैपटक सरुवा भएको हो ।
मन्त्रालयले २३ सह–सचिव र १४ उप–सचिवलाई सिडिओको जिम्मेवारी दिएको छ ।
चितवनका सिडिओ नारायणप्रसाद भट्ट भक्तपुरको सिडिओमा सरुवा भएका छन् । सरुवा लिस्टमा उनको नाम १ नम्बरमा परेको छ । भट्ट गृहमन्त्री रामबहादुर थापाको गृह जिल्लामा प्रमुख जिल्ला अधिकारीको रुपमा रहेका थिए ।
भक्तपुरका प्रजिअ द्रोण पोखरेल भने सर्लाही पुगेका छ्न । सर्लाहीलाई शाान्ति सुुरक्षाको हिसाबले चुनौतीपूर्ण जिल्ला मानिन्छ ।
काठमाडौ र ललितपुरका सिडिओ भने यथावत छन् । यसपटक क्षमतावान युवाहरु समेत सिडिओको लिस्टमा अटाएका छन् ।
रसुवा पुगेका कृष्ण पौडेलले सम्भवत हालसम्मकै कान्छो सिडिओ बन्ने अवसर प्राप्त गरेका छ्न ।
मन्त्रालयले सह–सचिव सिडिओ हुने केही जिल्लामा समेत क्षमता भएका उप–सचिव छानेर पठाएको छ ।
हेर्नुहोस् सरुवाको सूची 
