नेपाल – भारत सीमानामा भएको पछिल्लो भारतीय ज्यादतीको बिरुद्ध भारतीय दूतावास अगाडी प्रदर्शन भएको छ । सिमानामा काँडेतार अभियान , ग्रेटर नेपाल राष्ट्रबादी माेर्चा र राष्ट्रनिर्माण शक्तिको आयोजनामा प्रदर्शन भएको हो ।

दूतावास अघि उभिएर सहभागीहरुले खबरदारी गरेका छन । नेपालको सार्वभौमसत्तामाथि भारतीय पक्षबाट भएको खेलबाडविरुद्ध खेद प्रकट गर्दै खबरदारी गरिएको हो ।

नेपालको कञ्चनपुरको दक्षिणी सीमामा गोविन्द गौतमको रगत नसुक्दै भारतीय एसएसबीको बलमिचाईको घटनाले सामाजिक संजाल उत्तेजित बनेको छ । बैशाख १२ मा पुनर्वास नगरपालिका- ९ मा पर्ने १९५ नम्बर सीमा स्तम्भ नजिक जंगली जनावर नियन्त्रण गर्न नेपाली सीमाक्षेत्रका जनताबाट गरिएको प्रयासको विरुद्ध हातपात गर्दै तारबार उखेलेको दृश्यले राष्ट्रबादी नेपालीहरुको स्वाभिमान रोएको हो ।

आजको बिरोध सभामा बोल्ने बक्ताहरुले सरकारले सीमाको रक्षा गर्नुपर्ने, भारतीय हेपाहा प्रबृत्ति बन्द हुनुपर्ने र सीमानाको समस्या सधैको लागि समाप्त हुनुपर्नेमा जोड दिएका छन् ।

हेर्नुस् सीमानामा काँडेतार अभियानका अभियन्ता नवल खड्काको सम्बोधन :