News Portal

  • फौजदारी अभियोग लागेका सांसदको पद निलम्बन नहुने

    इभक्तपुर संवाददाताभक्तपुर, २३ बैशाख
    ५६१ पटक
    भक्तपुर, २३ बैशाख

    कर्मचारीलाई अभियुक्त बनाएर अदालतमा मुद्दा दायर हुनासाथ निलम्बन हुने व्यवस्था भए पनि सांसदलाई भने यो व्यवस्था आकर्षित नहुने भएको छ । फौजदारी अभियोग लागे पनि सांसदको हकमा कुनै पनि तहको अदालतको अन्तिम फैसला नआउँदासम्म पद निलम्बन हुनेछैन । तर, मुद्दा लागेसँगै सेवा सुविधा रोकिने र सांसदको हैसियतमा कुनै पनि काम कारबाहीमा भाग लिन नपाइने भएको छ ।

    यसअघिको नियमावलीको व्यवस्थाभन्दा पछि हटेर प्रतिनिधिसभा नियमावली मस्यौदा समितिले नियमावलीमा सहमति गरेको खबर गोरखापत्रमा छ । यसअघि मुद्दा चलेपछि पुर्पक्षका लागि थुनामा रहेको अवस्थामा पनि निलम्बन हुने व्यवस्था थियो । यो व्यवस्थाअनुसार श्यामसुन्दर गुप्ता, डोलबहादुर कार्की, ल्यारक्याल लामा तथा सञ्जय साह निलम्बनमा परेका थिए । जनकपुर बमकाण्डका मुख्य अभियुक्तका रूपमा मुद्दा चलाइएका साह अहिले पनि थुनामै छन् ।
    फौजदारी कसुरमा पुर्पक्षका लागि थुनामा रहेका सांसद निलम्बन हुने वा नहुने व्यवस्थामा सहमति गर्दै प्रतिनिधिसभा नियमावली मस्यौदा समितिले सेवा सुविधा रोके पनि निलम्बन भने नहुने सहमति गरेको हो । नियमावली मस्यौदा समिति सभापति कृष्णभक्त पोखरेलले विवादित विषयमा सहमति भएको बताउछन् ।
    पोखरेलले भन्नुभयो, ‘फौजदारी कसुरमा कुनै पनि तहको अदालतले अन्तिम फैसला नगर्दासम्म निलम्बन हुने छैन । तर, सेवा सुविधा रोकिनेछ । सांसदको हैसियतले कुनै पनि काम कारबाहीमा भाग लिन पाइने छैन । ’
    निलम्बन गर्ने वा नगर्ने विषयमा दलहरूबीचमा विवाद थियो । नेकपा एमाले र माओवादी केन्द्र निलम्बनका पक्षमा उभिए पनि काँग्रेस र मधेस केन्द्रित दलहरू निलम्बन नगर्ने पक्षमा थिए । हत्या, अपहरण, शरीर बन्धक, राहदानी दुरुपयोग, जबर्जस्ती करणी लगायत मुद्दाहरू नैतिक पतन देखिने फौजदारी कसुरमा पर्छन् ।
    सहमतिअनुसार प्रतिनिधिसभामा दस समिति हुने भएका छन् । नेपाली काँग्रेसले भने सात समिति बनाउने अडानमा फरक मत राखेको छ । यस्तै, सांसद निलम्बन तथा समिति सङ्ख्याबारे नेपाल मजदुर किसान पार्टीका प्रेम सुवालको पनि फरक मत छ ।

    प्रतिकृया दिनुहोस्

    पहिलो पटक प्रधानमन्त्रीको बिपक्षमा मतदान गरेको नेमकिपा यसपटक तटस्थ

    एउटै कार्यकालमा प्रधानमन्त्री पुष्पकमल दाहाल प्रचण्डले दुईपटक बिश्वासको मत लिएका छन् । पहिलो पटक विश्वासका...

    युट्युब च्यानललाई कारबाही गर्न प्रहरी र युट्युब कम्पनीलाई पत्राचार गर्दै प्रेस काउन्सिल

    प्रेस काउन्सिल नेपालले पत्रकार आचारसंहिताको चरम उल्लङ्घन गर्ने ३५ वटा युट्युब च्यानललाई विशेष अनुगमनमा राखेको...

    शुक्रबार सम्म मन्त्रीपरिषद बिस्तार

    प्रधानमन्त्री पुष्पकमल दाहाल प्रचण्डले शुक्रबार सम्म मन्त्रीपरिषद बिस्तार गर्ने भएका छन् । बिश्वासको मत पाएपछि...

    शब्द चयन नमिलेको सभामुख घिमिरेको स्वीकारोक्ति, संसद र प्रेसबीच सुमधुर सम्बन्ध हुनुपर्ने जोड

    प्रतिनिधि सभाका सभामुख देवराज घिमिरेले संसद र प्रेससँगको सम्बन्ध सुमधुर हुनु पर्नेमा जोड दिए ।...

    स्ववियु निर्वाचनमा झडप नियन्त्रण गर्न हवाई फायर

    बाजुराको बूढीनन्दा नगरपालिका -२ कोल्टीस्थित बूढीनन्दा क्याम्पसमा भएको स्वतन्त्र विद्यार्थी युनियनको निर्वाचनमा झडप भएको छ...