प्रदेश नम्बर ३ का सामाजिक विकास मन्त्री युवराज दुलालले प्रदेश सरकारले हात मिलाउन नपाउने नीति नल्याउने प्रष्ट पारेका छन् । सामाजिक संजाल फेसबुक मार्फत उनले उक्त कुरा प्रष्ट पारेका हुन् ।

एक अनलाइनले ‘हात मिलाउन छाड्नुस ! प्रदेश सरकारले ल्याउदैछ नीति’ शिर्षकमा लेखेको समाचारप्रति आक्रोसित बनेका मन्त्री दुलालले पत्रकारले अफवाह फैलाएको जिकिर गरेका छन् । मन्त्री दुलालले हात मिलाउन नपाउने नीति न आउने दावी समेत गरेका छन् ।

उनले प्रबुद्ध पाठक नै सत्यतथ्य नबुझी पत्रकारकै कुरामा लाग्नु गलत भएकोसमेत भनेका छन । समाचार उद्दृत गर्दै पाठकहरुले सामाजिक संजालमा आलोचना गर्न थालेपछि मन्त्री दुलालले सोमबार सामाजिक संजाल मार्फत नै स्पष्टिकरण दिएका हुन् ।

पाठक / दर्शक कान नछामी कागको पछि दौडन नहुने भन्दै समाचारको सत्यतथ्य बुझेर मात्र धारणा बनाउनु पर्ने उनको जिकिर छ ।

आफूलाई यस अघि पनि व्यवसायी अजय सुमार्गीकी श्रीमतीले तिमी भनेको भनेर अनलाइन समाचारमा ब्यानर न्युज बनाएको र त्यसपछि आफू स्पष्टिकरण दिएरै हैरान भएको प्रसङ्ग स्मरण गर्दै मन्त्री दुलालले हुँदै नभएको समाचार बनाएर भ्रमित गर्ने प्रवृत्ती भएको भन्दै आपत्ती जनाएका हुन् ।