पुर्व पश्चिम लोकमार्ग अन्तर्गत सर्लाहीको हरिवनमा ट्रकको ठक्करबाट एक युबकको ज्यान गएको छ । हरिवन – ११ नोचा चौकमा शुक्रवार बिहान ट्रकको ठक्करबाट एक युबकको ज्यान गएको हो ।

पश्चिमबाट पुर्वतर्फ जाँदै गरेको ना ६ख २३८७ नम्बर को गोरु बोकेको ट्रकले सोही दिशा तर्फ जाँदै गरेको ज ४ प १८८५ नम्बरको मोटर साईकललाई पछाडीबाट ठक्कर दिदा दुर्घटना भएको हो । दुर्घटनाबाट हरिवन ७ का ३५ बर्षिय बाेलकृष्ण बरालको घटनास्थल मै ज्यान गएको प्रहरीले जनाएको छ ।
ट्रकले मोटर साईकललाई ठक्कर दिई युवाको ज्यान लिएपछि आक्रोशमा आएका स्थानिय बासीहरुले १ घण्टा सडक अबरुद्ध गरेका थिए । ठक्कर दिने ट्रकका चालकलाई हदै सम्म कार्बाही गर्ने तथा मृतकका आफन्तलाई उचित क्षतिपूर्ति दिलाउने सहमति पश्चात् यातायात सुचारु गरिएको हरिवन वडा नम्बर ९ का वडा अध्यक्ष एवम् बार्ता समितिका सदस्य सिताराम पोख्रेलले इभक्तपुरलाई बताए ।

ट्रक र मोटर साईकल इलाका प्रहरी कार्यालय हरिवनको नियन्त्रणमा रहेको र ठक्कर दिने ट्रकका चालक फरार भएको हुँदा चालकको खोजी कार्य भैरहेको इलाका प्रहरी कार्यालय हरिवनका प्रहरी निरीक्षक रामकाजी थापाले जानकारी दिए ।