सर्लाही, १ जेठसर्लाही प्रहरीले अबैध रुपमा भन्सार छली नेपाल ल्याउदै गरेको तयारी कपडा सहित दुई वटा भारतीय नम्बर प्लेट को मोटर साईकल नियन्त्रणमा लिएको छ ।
सिमापारी भारतको सुनबर्साबाट भन्सार छलेर भित्री बाटो हुँदै बि आर क्यु २४६१ र बि आर एच ०९७३ नम्बरको मोटरसाईकल नियन्त्रणमा लिइएको हो ।
कपडा राखेर हरिपुर तर्फ ल्याउदै गर्दा लक्ष्मीपुर कोद्राहको मुजर्बाबाट मोटरसाईकल प्रहरीको नियन्त्रणमा परेका हुन् । इलाका प्रहरी चौकी हरिपुरबाट खटी गएको प्रहरीको टोलीले मोतरसाइकल बाट कर छली ल्याएको कपडा बरामद गरेपछि नियन्त्रणमा लिइएको बताइएको छ ।
अबैध तरिकाबाट मोटर साईकलमा कपडा राखेर ल्याउदै गर्दा प्रहरीलाई देख्ने बितिकै मोटरसाईकल सहित कपडा छोडेर तस्करहरु फरार भएको र उनीहरुको खोजी कार्य भईरहेको प्रहरीको भनाइ छ । बरामद गरिएको मोटरसाईकल तथा कपडा आबश्यक कार्बाहीको लागि जिल्ला भन्सार कार्यालय मलंगवा पठाईएको इलाका प्रहरी कार्यालय हरिपुरका प्रहरी निरीक्षक अनिल ठकुरीले जानकारी दिए ।